Tungkol sa tunogkanto

Noong dekada nobenta hanggang 2000s, may online na tambayan ang bawat musikerong Pinoy. Doon nagtatalo tungkol sa pickups, naghahanap ng kakosa para sa banda, nagbebenta ng segunda-manong gear, at nagkukwentuhan pagkatapos ng gig. Namatay ang mga lumang forum — kinain ng social media — pero hindi namatay ang komunidad. Nagkalat lang ito sa mga Facebook group na mabilis lamunin ng algorithm.

Ang tunogkanto ang bagong kanto: parehong diwa, bagong tugtog. Isang lugar na hindi nawawala ang mga usapan, na kayang hanapin ulit ang thread na nakatulong sa iyo noong isang taon, at na pag-aari ng mga musikero — hindi ng feed.

Nagsisimula kami sa forum — 14 boards mula gear talk hanggang OPM hanggang gigs. Susunod ang Buy & Sell (gear classifieds), Music Lessons (teachers meet students), at Bandmate Finder. Libre ang sumali — invite-only muna habang beta para masiguradong maganda ang kultura ng tambayan bago ito buksan sa lahat.

• Walang bobong tanong — baguhan man o session veteran, welcome ka.
• Ang mga post mo ay pag-aari ng tambayan, hindi produktong ibinebenta — hindi namin ibinebenta o inilalako ang content ng members, kahit para sa AI training.
• Walang reputation points o downvotes na ginagawang status game ang pagtulong.
• Tagalog, English, Taglish, Bisaya — kahit anong wika, kahit may typo. Hindi grammar contest ang kanto.

Ang buong patakaran ay nasa forum rules.

Gawa ito ng isang musikerong Pinoy na developer — lumaki sa mga lumang forum at nais ibalik ang tambayang iyon para sa susunod na henerasyon ng mga musikero. Walang kumpanya, walang investors: isang kanto lang na itinatayo nang tama.

May tanong, suhestiyon, o gusto lang kumustahin? Mag-message ka — binabasa namin lahat.